АЛТАЙ
Алтай арқары. зоологиялық. Оңтүстік Алтайды мекендейтін, саны азайып кеткен, сирек кездесетін, Қазақстанда таралған жабайы тау қойының бір түрi. Алтай астрасы. өсімдік. Биіктігi 1060 смдей, тік бұтақты, сабағының сыртын түк басқан, гүлi ақшыл көк түстi астра гүлдерінің көп тараған бір түрi. Алтай қасқыржидегі. өсімдік. Алтай өлкесінде өсетін өте сирек кездесетін көкендер тұқымдасына жататын өсімдік. Алтай рауғашы. өсімдік. Тарандар тұқымдасының рауғаш туысына жататын көпжылдық шөптесін өсімдік. Алтай тілдері. лингвистикалық. Түптөркіні, шығу тегі бір деп есептелетін, Алтай өлкесінен шығып тараған түркі, моңғол, тұңғыс, мәнжу (кейде корей, жапон) халықтарының тілдері [ Алтай тілдері тобына, мәселен, жоғарыда аталған түркі тілдері, моңғол және тұңғысмәнжу топтарына енетін отыздан астам, бүгінде өз алдына жеке-дара қолданылатын дербес тілдер жатады ]. Алтай ұлары. зоологиялық. Денесі ықшам, мойны қысқа, басы кішілеу, қауырсынының түсі сұр болып келетін, тау тәрізділер отряды, қырғауыл тұқымдасының өте сирек кездесетін түрі.