ИТАЯҚ
зат есім. Итке тамақ құйып беретін ыдыс. Итаяғыңа сал. этнографиялық. Жаңа түскен келін босағасын алғаш аттағанда үй иелерінің жүзік, сақина сияқты заттар сыйлап, «жеке өзіңебердім» деген мағынада айтылатын тілек сөзі. Итаяққа салсаң да. Қайда құйсаң да. Итаяққа төкті. Аяққа таптатты, қадірін білмеді. Итаяққа шомылдырды. этнографиялық. Баласы тұрмай жүргенде шақалақтысынан ит бауырына аунатып алу сияқты ырым қылып итаяққа салып шомылдырды. Итаяқтан ас [ сарысу ] ішті. Қорлық көрді, әбден жапа шекті. Итаяқтан сарысу ішкізді. Азаптады, қорлады, көзіне көк шыбын үймелетті.