ГЕОХИМИЯЛЫҚ
сын есім. Геохимияға тән, қатысты. Геохимиялық белдем. геологиялық. Топырақ жамылғысында химиялық элементтердің ерекше жылуымен ерекшеленетін көлденең белдем. Геохимиялық диаграмма. Минералдардың кристалдану процесi немесе химиялық элементтердің таралу заңдылықтары уақыттың не температураның өзгеруi тұрғысынан әртүрлi сатыларға сәйкестендіре кескінделетін сызба нұсқа. Геохимиялық карта. геологиялық. Тау жыныстарында химиялық элементтердің таралу ерекшеліктерi мен заңдылықтарын көрсететін карта. Геохимиялық ландшафт. г е ол. Бiр мезорельф бөлігінде орналасқан негізгi топырақтағы, топырақ астындағы негізгi химиялық элементтердің құрамы мен көлемi, сондай-ақ бұл элементтердің жылжу типi де біртектес жер бетінің бөлігi. Геохимиялық тосқауыл. геологиялық. Жер қабығындағы қандай да бір химиялық элементтің жылыстау қабілетін күрт төмендету белдемi. Геохимиялық экология. геологиялық. Тiрi организмдер мен биоценоздардың тіршілік ортасымен өзара әрекеттесуін және химиялық элементтердің биосферада географиялық таралуын зерттейтін экологияның бір саласы.