ЭКСПОРТТЫҚ
сын есім. Экспортқа тән, экспортқа қатысты. Экспорттық әлеует. экономикалық. Елдің ұлттық шаруашылығының сыртқы рынок үшін бәсекелесуге жарамды өнімді қажетті мөлшерде өндіру қа білеті. Экспорттық бақылау. экономикалық. Тауарлардың кейбір санаттарын шетке шығаруға рұқсат беру тәртібін енгізу жолымен белгілі бір әкетілім заттарына тыйым салу, шек қою, оларды бақылау жөніндегі шаралар жүйесі. Экспорттық лизинг. экономикалық. Лизингілік компания ұлттық фирмадан жабдық сатып алатын, содан соң оны шетелдегі жалгерге беретін мәміле. Экспорттық мәміле. экономикалық. Шет мемлекет немесе оның өкілі (кәсіпорын, фирма, жеке тұлға) тараптардың бірі болып табылатын мәміле. Экспорттық несие. экономикалық. Тауарлар мен көр сетілетін қызметтерді сатуды қаржыландыру мақсатымен шетелдік сатып алушыларға немесе олардың банктеріне берілетін несие; экспортты ынталандыру құралы. Экспорттық үлестеме. экономикалық. Өнімнің белгі лі бір түрлері бойынша елдің халықшаруашылығы, жекелеген өндірістер мен салалар үшін экспорттың мәнділігін сипаттайтын мөлшерлік көрсеткіш.