ҮЙІР
1омоним зат есім. 1. Бір айғырдың қарамағындағы құлынтайы аралас 15–20 шақты биелер тобы. 2. ауыспалы мағына. Өскен, еңбек еткен орта, теңқұрбының арасы. 3. Топ. Үйір болды. а) Бауыр басып, үйреністi, шырғалап шықпай қойды. ә) жағымды. Әуестендi, әдеттендi. б) жағымсыз. Пайда болды, жабысты. Үйірге қосылды. Өз ортасына қайта келді, қатарға қосылды. Үйірге салды. Үйір алды, үйірге қосты. Үйірге түсті. Айғыр үйірге кірді. Үйірде құтпан жалды айғыр. поэтикалық. өз үйірін қорғайтын мықты айғыр. Үйірден айырылды [ адасты ]. Өзімен қатар өскен жоражолдастардан ажырады. Үйірден шықпады. Қауымның, топтың ойынан шықты. Үйірімен үш тоғыз. этнографиялық. Аңшылықта айтылатын олжаң көбейсін, қанжығаң майлансын деген мағынадағы тілексөз. Үйірін тапты. Өскен ортаға қосылды.