ФОНЕТИКАЛЫҚ
сын есім. Фонетикаға қатысты, фонетикаға тән. Фонетикалық алмасу. лингвистикалық. Қазіргі фонетикалық процестерге байланысты сөйлеудегі дыбыстық өзгерістер. Фонетикалық әліпби. лингвистикалық. Фонетикалық транскрипцияда (дыбыс таңбада) қолданылатын әліпби. Фонетикалық жазу. лингвистикалық. Емле ережелерін фонетикалық принципке негіздеп, сөздерді айтылуына жақындатып жазу. Фонетикалық заңдылықтар. лингвистикалық. Дыбыстардың өз қалпын сақтауы мен үздіксіз болып отыратын өзгерістерін, өзара алмасуы мен тіркестерін зерттеп отыратын дыбыстардың даму заңдылықтары. Фонетикалық транскрипция. лингвистикалық. Ауызша айтылған сөздің дыбысталуын неғұрлым дәл беру үшін қолданылатын жазу тәсілі.