ҰЙҒЫР
зат есім. Орталық Азиядағы көне түркі халықтарының бірі. Ұйғыр жазуы. лингвистикалық. Бірінші мыңжылдықтың аяқ кезінде соғды алфавиті негізінде жасалған жазу жүйесі [ Жоғарыдан төмен қарай тік әріптермен солдан оңға бағыттала жазылатын ұйғыр жазуы сирияарамей әліпбилерінің біріне саяды ]. Ұйғыр тілі. лингвистикалық. Түркі тілдерінің оңтүстік-шығыс тобындағы қарлұқ бұтағына жататын тіл [ Ұйғыр тілі ҚХР-ның Шыңжаң-Ұйғыр автономиялы районына (8 млн., 2004) және Қазақстан, Өзбекстан, Қырғызстан, Түрікменстан республикаларына (300 мың), Үндістан, Пәкстан, Ауғанстан елдеріне (200 мың) таралған ].