ТҮКТЕ
= етістік. Астық дәнін келіге түйіп, қауызынан, кебегінен ажырату, тазарту. Түктеп теру. қолөнер. Өрнек жіптері ерсі мен қарсыға аралас байлай тоқылып, бой жіптер қатарында тұрған өрнектеуіш жіп өрмек бетінде бос қалып отырады, ол кесермен қырқылғанда, өрмек бетінде түк пайда болады (шағын кілем, қоржын тоқығанда қолданылады). Түктеп тігу. кәс. Кестелеу барысында бұйымның өң бетінде 1–2 сантиметрдей бүлдіргі жіп қалдыра отырып тігіп, артынан ол бүлдігілерді тегіс қырқып тастау арқылы кілемнің түгі тәрізді пішінге келтіру [ Кейде түгінің биіктігі біркелкі болу үшін астына ширатқан жуан жіп, жұмсақ металл шыбықты мүйіздеп, оюөрнегіне келтіріп салып тігеді де, тігіп болған соң, әлгі тігіс астына салған заттарды үстінен тіліп алып тастайды. Сонда түктеп тігілген кесте біркелкі шығады, оюөрнегі де айқын болады ].