ТОЛТЫРЫМДЫҚ
сын есім. Толтыратын, толтыруға арналған. Толтырымдық кешен. кен ісі. Кені алынған кеңістікті толтырымдауға арналған жерүсті және жерастындағы имараттар, механизмдер мен жабдықтар кешені. Толтырымдық құбыржол. кен ісі. Толтырымдық материалды тасымалдауға арналған құбыржол. Толтырымдық массив. кен ісі. Пайдалы қазылымдарды кен орындарын толтырмалап қазып алу кезінде кені алынған кеңістікке жайғастырылған толтырымдық материал массиві. Толтырымдық массивтің орнықтылығы. кен ісі. Кені алынған кеңістікке толтырмаланған, оны толтырған массивтің орнықтылық тепетеңдікті сақтау қабілеті. Толтырымдық массивтің тығыздығы. кен ісі. Толтырымдық массив көлемінің бір өлшеміндегі толтырымдық материалдың массасы (кг/м 3). Толтырымдық массивтің шөгуі. кен ісі. Таужыныс қысымы мен өз массасының әсерінен толтырым массивінің тығыздалып, оның көлемінің кішіреюі. Толтырымдық материал. кен ісі. Кені алынған кеңістікті толтыруға арналған материал [ Ол екі топқа бөлінеді: 1) арнаулы карьерлерде өндірілетін таужыныстар (құм, қиыршық тас, уатылған түпкі таужыныстар, әктас, ерітінділер және тағы басқа.). 2) өндіріс қалдықтары есебіндегі материалдар, пайдалы қазылымды қазып алу кезіндегі бос таужыныстар, пайдалы қазылымдарды байыту кезінде алынған таужыныстар, металлургия зауыттарының қождары, күлдер және тағы басқа. ]. Толтырымдық оқпан. кен ісі. Толтырымдық материалды түсіруге арналған, жер бетіне шығатын тік не көлбеу қазба. Толтырымдық шикіқұрам. кен ісі. Кесектерінің ірілігі бойынша белгілі бір шамалық арақатынаста құралған әртүрлі толтырымдық материалдар қоспасы.