ҚҰРМЕТТІ
сын есім. 1. Аса қадірлі, ардақты, қадірлі деген мағынадағы ресми қолданыстағы қаратпа атауыш сөз. 2. Қадірлі, сыйлы. // экспрессивті.мысқыл. Өзін аса қадірменді санаушы. Құрметті атақ. а) тарихи. советизм. Кеңес Одағы дәуірі кезеңіндегі Совет Одағының Батыры, Социалистік Еңбек Ері сияқты ең жоғарғы ресми атақ. ә) Қазақстан Республикасының құрметті атақтары – қоғамдық айрықша қызметі, еңбектегі үздік жетістіктері мен жауынгерлік ерліктері үшін ел азаматтарына, сондай-ақ шетел азаматтарына да берілетін атақтар. Құрметті әскери күзет. әскери сөз. Әскери қызметшілерді жерлеу кезінде әскери құрмет көрсету үшін жасақталған әскер. Құрметті демалыс. кітабистиль. Көп жылғы еңбектен соң жасы жетіп, зейнетке шыққан адамдардың демалысы, зейнеткер болу. Құрметті қарауыл. ә с к. а) Гарнизон бастығының, құрама немесе жеке бөлім командирлерінің бұйрығын әскери құрмет көрсету үшін тағайындалатын әскер (взводтан ротаға дейін). ә) Арнайы адамдардан құралған, табыт қасындағы күзет.