ОБЪЕКТ
[ латын тілі. оbjeсtum ] зат есім. 1. философиялық. Адам санасынан тыс және оған тәуелсіз өмір сүретін материалдық дүние, нысан. 2. Белгілі бір жұмыс (құрылыс) істеліп жатқан жер. Объект ұқсастырғыш. информатикалық. Жүйе ішінде объектіні бірмәнді анықтайтын мәліметтер элементі. Объектілерді байланыстыру және енгізу. информатикалық. < ағылшын тілі. lіnkаge аnd intrоduсtіоn оf оbjeсts> Мәтінді, графиканы, электрондық кестелердің үзінділерін, дыбыстық хабарларды және т.б. қамтитын құрама құжаттармен жұмыс істеуге Miсrоsоft корпорациясы әзірлеген технология. Объектілерді ендіру және байланыстыру технологиясы. информатикалық. < ағылшын тілі. оbjeсt lіnkіng аnd embeddіng (ОLЕ)> Miсrоsоft фирмасы жасаған қолданбалы бағдарламалар арасында объектілер алмасу технологиясы [ ОLЕ технологиясы бойынша құрамалы құжатпен байланысқан объектілер сол құжат құрамында сақталмай, ондағы сілтеме арқылы ғана түпнұсқадағы объектімен байланысып тұрады. Егер байланыстағы объект өзгертілсе, құжаттағы оның бейнесі де өзгереді. Құжаттағы сілтемені пайдалану объект орналасқан негізгі бағдарламаны іске қосады. ОLЕ технологиясы мәтін, графика, дыбыс және т.б. объектілермен жабдықталған құрамалы құжаттар жасауға мүмкіндік береді ]. Объектілер класы. информатикалық. < ағылшын тілі. clаss оbjeсt> Бір немесе бірнеше параметрлері бойынша біріккен объектілер тобы.