МОНОПОЛИЯЛЫҚ
сын есім. Монополияға тән, соған қатысты. Монополиялық баға. экономикалық. Монополист сатылған немесе өзі сатып алатын тауарға белгілі бір дәрежеде оны өндіруге жұмсалған шығынға қарамастан белгілейтін рыноктық бағаның ерекше түрі. Монополиялық пайда. экономикалық. Рынок пен өндірісте монополиялық бақылау жолымен алынатын жоғары пайда; монополистік бірлестіктердің орташа пайдадан асып түсетін пайдасы. Монополиялық рента. экономикалық. Тауар ерекше қолайлы (бірегей) жағдайда өндірілген кезде осы тауардың бағасын оның құнынан арттыру жолымен алынған қосымша табыс түрінде көрініс табатын Жер рентасы нысандарының бірі.