ҚУАҢШЫЛЫҚ
зат есім. 1. Жауыншашынсыздық, құрғақшылық. 2. Жауын-шашынсыз, жоғары ауа температурасының ұзақ сақталу кезеңі. Қуаңшылық аймақ. су шаруашылық. Жауын-шашын мөлшері топырақтан буланып ұшатын ылғал мөлшерінен әлдеқайда аз аймақ. Қуаңшылық индексі. Климаттың қуаңшылық дәрежесін сипаттайтын көрсеткіш. Қуаңшылық кезеңі. Жауыншашынның ұзақ уақыт болмауына, жерасты суының тым тереңде жатуына және күннің өте ыстық болуына байланысты топырақтағы ылғалдың кеуіп, өсімдіктердің қурап кететін кезең. Қуаңшылыққа төзімділік. Өсімдік мүшелері, ұлпалары және жасушаларының судың кемуіне, өте ыстыққа төзімділік қабілеті. Қуаңшылыққа ұшырады [ ұрынды ]. Құрғақшылыққа тап келді.