КҮШІК
зат есім. 1. Иттің және ит тұқымдас жыртқыш аңдардың баласы. 2. ауыспалы мағына. эвфем. Көз өтпес, тіл тимес үшін кішкентай баланы еркелете атайтын сөз. 3. қарапайым сөз. экспрессивті. Адамды кемсітіп, қорлау мақсатында қолданылатын жағымсыз мәнді сөз. Күшігін аузымен тасығандай. жергілікті сөз. Мейірбан, мінезі жұмсақ, елжірегіш, ақкөңіл. Күшік асырап ит еттім, ол балтырымды қанатты. Жастайынан бағыпқаққан, үміт артқан адамым опасыздық жасады. Күшік ата. этнографиялық. Күйеу баласының үйінде не аулында тұратын қайын ата. Күшік ит бөрi ала ма жабылса да. бейнелі сөзқолданыс. Әлi келмейтін, шамасы жетпейтін адамдар бірігіп, қосылып кіріссе де қолдарынан келмейдi деген мағынада. Күшік иттей үрді. Әлі келмейтінін білсе де ретін тауып кесірін тигізудің қамында жүрді. Күшік күйеу. этнографиялық. Қалыңдығының атаанасының қолына келіп кірген жігіт.