ҚАЙЫН
зат есім. этнографиялық. Қыз алып, қыз берген екі елдің күйеу мен келінге қатысты туыстығын білдіретін сөз. Қайын аға. сөйлеу. Қайнаға. Қайын ата. а)Күйеуінің әкесi (қалыңдыққа қатысты). ә) Әйелінің әкесi (күйеуге қатысты). Қайын бике. этнографиялық. Ер адамның әйелінің және келіншектің күйеуінің әпкесі. Қайын ене. этнографиялық. Күйеуіне қатысты әйелдің және әйелге қатысты күйеудің шешесі. Қайын жұрт. этнографиялық. Күйеу үшін қалыңдықтың туған елі, қалыңдық үшін күйеудің туған елі. Қайын жұрты бар ма? сөйлеу. э в ф. Үйленген бе немесе тұрмыс құрған ба деген мағынадағы сұрақ. Қайын сіңлі. этнографиялық. Күйеудің қарындастарының әйеліне туыстық қатынасы. Қайын іні. Ерлізайыптылардың бір-біріне қатысты өздерінен кіші ұл бауырлары.