КОМЕНДАНТТЫҚ
сын есім. Комендантқа тән, комендантқа қатысты. Коменданттық жол ауданы. әскери сөз. Бірнеше әскери көлікжолдары. Коменданттықжол бөлімдері. әскери сөз. Коменданттық жол қызметтері мен қозғалысты ұйымдастыруға байланысты мәселелерді шешетін, әскерикөлік жолдарын іске қосатын, оларды жөндеп, күтетін жол әскері құрамы. Коменданттық жол қызметі. әскери сөз. Әскерикөлік жолдарында әскери қозғалысқа үздіксіз басшылық жасау, тәртіптің, жол ережелерінің сақталуын бақылау үшін ұйымдастырылатын қызмет түрі. Коменданттық жол учаскесі. әскери сөз. Коменданттық жол бөлімі, ал кейде басқа әскер түрлері, бөлім және бөлімшелері қызмет көрсететін әскериавтомобильдік жол қиығы. Коменданттық қызмет. әскери сөз. Әскерлердің белгіленген уақытымен жасырын қозғалысын, шоғырлануын, ұрыстық ретке орналасуын қамтамасыз ету, сондай-ақ жалпы тәртіпті сақтау мақсатында ұйымдастырылып, өткізілетін шаралар жүйесі. Коменданттық сағат. Белгілі бір мерзімге дейін ғана жүріптұруға рұқсат етілетін уақыт.