КИМЕШЕК
зат есім. этнографиялық. Омырауы мен арқасын жауып тұратын, беті ойылып жасалған, ақ матадан тігілетін әйелдердің ұлттық баскиімі. Кимешек кигізу этнографиялық. Дәстүрлi ортада әйелдің ана болғанының белгісi ретіндегi келіншектің балалы болған күннен бастап киетін баскиім кимешектi кигізу салты [ бұған перзенттi болған жас келін алдын ала дайындық жасайды: енесінің, абысынажынының көмегімен кимешек пішіп, әшекей кестелерін өзi тігедi; баласы қырқынан шыққанда енесi: «сен ендi санатқа қосылдың. Бұрын бала едің, ендi ана болдың. Ендi осы үйге толық мүшесің», – деп келіннің маңдайынан сүйіп, батасын бередi, ауыл әйелдерi, бәйбішелер әдейi жиналып келіп, келінге үйінен келген киелi киім кимешектi өз қолдарымен кигізедi; оны келіннің енесi ұйымдастырады; кимешек кигізген адам келіннің енесінен сый алады; әкешешелерi бұл баскиімдi қыздары тез балалы болсын деп сандыққа әдейi ырыммен салады ].