ИМАНДЫ
сын есім. 1. діни. Дінге сенімі мықты, иманы бар, діншіл. 2. діни. Алла күнәсін кешірген, рақымын берген (марқұм туралы). 3. ауыспалы мағына. Арұяты күшті, әділ, дұрыс. // Аллаға сенім келтіріп, оның жалғыз жаратушы екенін мойындаған, Құдайдан қорқатын адам, мұсылман кісі. Иманды адам [ кісі ]. Ұятты, әділқалыстығы бар кісі; таразысы тең ақыл иесі. Иманды бол. тілексөз. Алла күнәларыңды кешіріп, рақымымен жарылқасын деген мағынадағы өлген кісіге қарата айтылатын тілек сөз. Иманды болды. Дүние салды, қайтыс болды, марқұм болды. Иманды болсын. тілексөз. Алла тағала марқұмның иманын кәміл етсін, жанын жаннаттан қылсын деген мағынадағы кісі қайтыс болғанда айтылатын тілек сөз. Иманды құл. діни. Нағыз мұсылман адам, Аллаға сенім келтірген, оған құлшылық қылатын Құдайдың сүйікті пендесі.