ЖҰМБАҚ
зат есім. 1. әдеб. Жасырын құпия сырды ойлап табу, шешу үшін сыпаттап, астарлап айтылатын қысқаша өлең, әңгіме түріндегі шығарма. 2. ауыспалы мағына. Белгісіз мән, жасырын сыр. Жұмбағын шешті. Бір нәрсенің жасырын сырын ашты, жауабын тапты. Жұмбақ айтыс. фольклор. Ойды бүркемелеп айту, ойлап шешуге арналған халық ауыз әдебиетіндегі айтыс өнерінің бір түрі. Жұмбақ жанры. әдеб. Адамның ойөрісін, алғырлығын, білімін сынау мақсатында нақты бір зат немесе құбылыс тұспалдап сипатталатын шағын әдеби жанр. Жұмбақ өлең. әдеб. Жұмбақты өлең түрінде айту.