ЖҰЛЫН
1омоним зат есім. 1. анатомиялық. Адам мен омыртқалы жануарлардың омыртқа жотасының ішінде орналасқан орталық жүйке жүйесінің бір бөлігі. 2. ауыспалы мағына. Жақын санаған адамға, баласына жақсы көру, еркелету ретінде айтылатын атауыш. Жұлынға тиді. Қиын тиді, ауыр соқты, діңкесін құртты. Жұлындай ұшырды [ түсірді ]. а) Мұрттай ұшырды. ә) оп-оңай меңгерді. Жұлын тұтты. жергілікті сөз. Ашу қысты, кейіді, ренжіді. Жұлын түйіндері. анатомиялық. Жұлынның жоғарғы (адамда – артқы) түбіршігі бойында орналасқан, сезімтал нейроциттерден құралған түйін. Жұлынын үзді. Белін сындырды, омыртқасын үзді. Жұлының [ омыртқаң ] үзілгір! қарғыс. Өле қал деген мағынада. Жұлының үзілсін. қарғыс сөз. Опат болғыр, қыршыныңнан қиылғыр. Жұлыны үзілді. а) Өлді, дүниеден қайтты. ә) Тірегі құлады, таянышы жоқ болды.