ЕЗУ
1омоним зат есім. 1. Астыңғы ерін мен үстіңгі еріннің түйіскен жері, ауыздың екі жақ шеті. 2. ауыспалы мағына. Жол, өзен т.б. жағасы, жиегі, шеті. 3. ауыспалы мағына. Кейбір заттың, бұйымның шеті, жиегі. Езу дауыстылары. лингвистикалық. Айтқанда еріннің кері тартылуы, жиырылуы арқылы жасалатын дауыстылар. Езу дыбыстары. лингвистикалық. Езу дауыстылары. Езу жидырмады. Жұртты тоқтатпай күлкіге батырды, көп күлдірді. Езу жидырмас, күлкіден тыйдырмас. Көп күлдіре беретін, тоқтаусыз күлдіретін. Езу жимады [ жинамады, жия алмады ]. Қайта-қайта күле берді, көп күлді. Езу тартқызды. Күлкісін келтірді, күлдірді. Езу тартты. Сел жымиды, күлімсіреді. Езуі айырылғанша айғайлады [ дауыстады ]. экспрессивті. Қатты айғайлап үн шығарды. Езуі жайылды. экспрессивті. Езу тартты, күлді, жымиды. Езуі [ екі езуі ] жиылмады [ жиналмады, тыйылмады, тыя алмады ]. Күлкіге қарық болды, тоқтай алмай көп күлді. Езуі [ екі езуі ] көпірді. а) Көп сөйледі, дабырады. е) Аттар алқымын баса алмады, қатты жүрістен терледі, көбігі ақты. б) Толқындары тулады, асыптасып екпіндеп буырқанды. Езуіндегі күлкіні көрді. Жымиғанын байқады, күлгенін көрді. Езуінде күлкі. Күлімсіреген, жымиған қалып, күй. Езуіне күлкі жүгірді [ үйірді ]. Жымиды, күлімсіреді. Езуінен күлді. Жымиды, күлімсіреді, езу тартты. Езуінен көбігі бұрқырады [ көбік шашты ]. бейнелі сөзқолданыс. Буырқанып, бусанды, қаһарланды. Езуінен күлкі арылмады. Үнемі көңілді, қуанышты боп жүрді. Езуін жиды. Күлкісін тыйды, жымиюын доғарды. Езуін тыя [ жия ] алмады. Күлкісін тоқтата алмады, тоқтамастан күлді. Езуін тіліп, тісін қақты. экспрессивті. Оңдырмай соққыға жықты, сазайын берді. Езуіңді ұрайын. бейпіл сөз. Езуіңе болайын деген мағынадағы ұрсу, кейігендік.