ҒАШЫҚТЫҚ
зат есім. 1. Адамдардың бірбіріне асықтық, сүйіспеншілік, ынтызарлық, құмарлықсезімін білдіретін ұғым. 2. діни. Ислам дінінде, әсіресе, сопылық дүниетанымда пенденің өзінің жаратушысына деген шексіз ынтықтығын білдіретін ұғым. Ғашықтық дастандары. әдеб. Ғашықтық туралы шығыстың белгілi лирикалық жырлары. Ғашықтық дертi. поэтикалық. Ғашықтық сезімінен азапқа түсу. Ғашықтық мехнаты. Ғашықтықтың азабы, бейнетi. Ғашықтық оты. поэтикалық. Сүйіспеншілік, махаббат жалыны, ынтызарлық күй. Ғашықтық сезім. Ынтық көңіл. Ғашықтық сөздерi. Ынтызар көңілін білдіретін, махаббат, ынтазарлық туралы сөздер. Ғашықтық хикая. Ынтызарлық, сүйіспеншілік туралы ел iшіне тараған оқиға, ел аузындағы әңгіме.