ЛИРИКАЛЫҚ
сын есім. Нәзік сезімге толы, сыршыл. Лирикалық әндер. Адамның ішкі тебіренісі, терең сүйіспеншілік сезіміне құрылған әндер. Лирикалық проза. әдеб. Автордың көңіл күйі, сезім әсері негізінде жазылған прозалық шығармалар. Лирикалық шегініс. әдеб. Әдеби шығармада (мысалы, поэмада, не романда) уақиға желісін кенет үзіп, өзі жайлы немесе өзінің көңіліндегі басқа бір нәрсені айтып беру; негізгі уақиғаға тікелей қатысы бола қоймайтын әдеби шығармадағы көркемдік тәсіл. Лирикалық шығарма. әдеб. Автордың көңіл күйі, сезім әсері негізінде жазылған шығармалар (поэзия, проза, драма т.б.) жиынтығы.