БАҚАН
1омоним зат есім. этнографиялық. Киіз үй тіккенде шаңырақ көтеруге, үзіктер мен түндіктердi көтеріп жабуға керектi, дауыл тұрғанда тіреу болатын ашалы ағаш. Бақан аттаған байымайды. мифологиялық. Үй жиһаздарының iшіндегi таза мүлік деп саналатын бақаннан аттауға тыйым салу ырымына қатысты қолданылатын сөз. Бақан бойлы. Ұзын бойлы, еңселi. Бақан таңба. Ру таңбаларының бірi. Бақан тірелгендей. Көзi жұмылмай, жабылмай қалу. Бақан тірес, иттартыс. Бақастық, тымтырағай айтысу, жұлысу. Бақанын қолына алды. Сайланды, сұстанды.