АСТАР
[ ир. ] зат есім. 1. Сырт киім, көрпе, аяқкиім, белдік сияқты мата, терi және тағы басқа. материалдардан iстелген заттардың iшкi бетi. 2. Қабат, қыртыс. 3. анатомиялық. Артерия, көктамыр, қан және лимфа тамырларының iшкi қабаты. 4. ауыспалы мағына. Белгілi бір себептен сыртқа ашық айтылмаған сыр; құпия. 5. сәул. Қабырғаның сырлауға дайындалған бетіне біріншi қабат ретінде жағылатын құрам. 6. ауыспалы мағына. Түп төркін, негіз, мазмұн. Астар болмады. а) Сыңары бола алмады. ә) Тең келмедi, сай келмедi. Астар болмайды [ бола ала ма? ]. Сыңары емес, тең келмейдi. Астары бар, тысы жоқ. бейнелі сөзқолданыс. Күштi болып көрінуге тырысып жүретін әлсіз, аузымен орақ оратын пысықай (адам). Астарына да келмедi. жергілікті сөз. Деңгейіне жетпедi, ширегіне келмедi. Астарын айналдырды. Болған iстің өңін айналдырды, теріске бұрды.