ЧЕК
[ ағылшын тілі. cheque ] зат есім. 1. Кассаға ақша төлегенде берілетін талон. 2. экономикалық. Қатаң түрде белгіленген нысандағы бағалы қағаз [ Онда чек берушінің чекте көрсетілген ақшалай соманы чек ұстаушыға төлеу жөнінде банкке берген өкімі баяндалады ]. 3. заң. Чек берушінің чек ұстаушыға онда көрсетілген соманы төлеу жөнінде банкке ешқандай шарт қойылмаған жазбаша үкімі бар бағалы қағаз. Чек бланкілері. экономикалық. Баспаханалық әдіспен дайындалған чек формулярлары [ Жалған жасалуына жол бермеу үшін арнаулы қағазға басылып, тізбекті нөмірлер қойылады. Клиенттерге беру үшін чек кітапшаларына түптеледі ]. Чек кітапшасы. экономикалық. Банк ағымдағы немесе есеп айырысу шотының иесіне беретін чектердің түптелген бланкілері [ Чектерді пайдалана отырып, банк клиенті шоттан қажетті соманы алуына, оны қолма-қол ақша түрінде алуына немесе үшінші тұлғалармен чек арқылы тікелей есеп айырысуына болады. Шотқа өкім жасау құралы ].