ТӨҢІРЕК
зат есім. Бір заттың айналасы, жанжағы, қасы; маңы. // Айналасындағы адамдар. // Туралы, жөнінде. Төңірегі жаңалану. Жараның шеті кеңейіп, сау жерден жара пайда болу, асқыну. Төңірегі күшіктеу. Жараның айналасына бөртпештер пайда болып, ұлғаюы, бөртуі, асқынуы, өршуі. Төңірегі қызару. Жараның, жауырдың айналасы қызару, асқынуға бет алу. Төңіректі барлау. әскери сөз. Әскерлердің алдағы қимыл жасайтын аудандарындағы жергілікті жер бедері, топырақөсімдік жамылғысы, су бөгеттері, жол тораптары, елді мекен, гидротехникалық құрылыстар, сондай-ақ әскерлердің ұрыстық қимылдарына әсер ететін жергілікті жер элементтері туралы мәліметтерді алу, жинау және зерттеу.