ТӘТТІ
сын есім. 1. Дәмі бал, қант, кәмпит сияқты; тіл үйіретін. 2. Дәмді, нәрлі, жұғымды, сіңімді. 3. ауыспалы мағына. Артық, қымбат. 4. ауыспалы мағына. Жанға жайлы, жағымды, сүйкімді. 5. ауыспалы мағына. Ынтымақты, тату, сыйлас. // Өмірдің қызығы, рақаты, жақсы жақтары. Тәттi ауыздың дәмi кеттi. Орынсыз айтылған сөз, әңгіме қарымқатынасқа қаяу түсірдi. Тәттi бұрыш. Алқа тұқымдасына жататын көкөніс өсімдігi ретіндегi бұрыштың хош иістi әрi ащы емес болатын жемісi. Тәтті күлкі. Тартымды, сыр жасырғыш, қызықтыратын күлкі. Тәттi мұңға батырды. Мұңайды, сағыныш пен мұң аралас, бір жағымды күйге ендi. Тәтті мінез. Сүйкімді қылық, мінез. Тәттi сезім. поэтикалық. Рақат, ләззатты көңіл күй. Тәтті сөз. Жайлы әңгіме, көңілге қонымды сөз. Тәтті тамыр [ түбір ]. ботаникалық. Қант қызылшасының жемісі. Тәтті тіл. Жақсы сөз. Тәтті ұйқы. Алаңсыз, рахат ұйқы. Тәтті ұйқыға батты. Рахат ұйқы құшағына енді. Тәттi үміт. поэтикалық. Жағымды ой-арман, болашаққа деген пәк сенім.