ТАРТ
= етістік. 1. Бір затты өзіне қарай жұлқу, сүйреу, жылжыту. 2. Тасу, жеткізу. 3. Орау, байлау. 4. Жапсыру, таңу. 5. Керу, ұстату. 6. Ұн қылу, үгу, майдалау. 7. Бір заттың салмағын анықтау, кіреге салу, өлшеу. 8. Еркек малды піштіру, ақтау. 9. ішу, сіміру. 10. Жүріп кету, аттану, жөнелу. 11. сөйлеу. Суретке, фотоға түсіру. 12. ауыспалы мағына. Бал салу. 13. Музыкалық аспапта ойнау, шерту. 14. ауыспалы мағына. Туыс адамдардың түркескін, мінез-құлық және тағы басқа. қасиеттер жағынан бір-біріне ұқсауы, үйлесіп келуі. 15. ауыспалы мағына. Бір затты біреуге сыйлап беру, ұсыну, арнау. 16. ауыспалы мағына. Адамды қызықтыру, ынтықтыру. 17. ауыспалы мағына. Үгіттеу, келтіру, кіргізу. 18. Төлеу. 19. ауыспалы мағына. Төзу, шыдау, көну. 20. ауыспалы мағына. Бейімделу, икемделу, ыңғайлану. Тартқан сымдай. бейнелі сөзқолданыс. Әдемі, көркем. Тартқан сымдай болды. Түптүзу болды. Тартылған какао. тамақ өнеркəсібі. Қуырылған және какаовелласынан тазартылған какао дәндерін тарту кезінде алынатын қоймалжың сұйық масса. Тартып алды. Бір нәрсені зорлықпен алды, күшпен қолға түсірді. Тартып жіберді [ тартып кеп қалды ]. Ұрып жіберді, салып қалды. Тартып отырды. Ұзап шықты, кетіп қалды.