КАКАО
[ испан тілі. cасаo ] зат есім. 1. өсімдік. Тропикада өсетін мәңгі жасыл стеркулия тұқымдасына жататын, жемісінен шоколад алынатын ағаш немесе оның жемісі. 2. Осы ағаш жемісінен алынған ұнтақ. 3. тамақ өнеркəсібі. Какао ағашы жемісінен жасалған ұнтақтан дайындалатын құнарлы сусын. Какао бұршағы. Тамақ, дәрідәрмек, парфюмерия өндірісінде пайдаланылатын какао ағашының жемісі. Какао бұршақтарын ферменттеу. тамақ өнеркəсібі. Какао ағашының бұршақ түріндегі жемісін өнбейтіндей ету үшін кептірудің алдында жүргізілетін процесс. Какао майы. тамақ өнеркəсібі. Какао бұршақтарынан алынатын кондитерлік өнімдер дайындауда қолданылатын хош иісті май. Какао ұнтағы. тамақ өнеркəсібі. Тартылған какао массасынан майы сығымдалып алынған соң, қалған күнжарадан ұнтақталып алынған өнім.