ӨТІМДІЛІК
зат есім. 1. Жұмсалған шығынның (қаражат, т.б.) ақталу, қайта өндірілу жайы. 2. экономикалық. Материалдық құндылықтарды өткізудің, сатудың, қолма-қол ақшаға айналдырудың оңайлығы; субъектінің өз активтерін қолма-қол ақшаға айналдыру және борышқорлық міндеттемелерін орындау қабілеті (төлем төлеуге қабілеттілік). 3. химиялық. Жартылай өтімді жарғақтың бөлінетін қоспа құрауыштарын өзінен өткізу қасиеті. 4. әскери сөз. Жергілікті жердің өтімділігі – әскерлердің жылжуы үшін оның қолайлылық дәрежесі. 5. Ұрыс тық және көліктік мәшинелерінің түрлі жол жағдайларында және жолсызда ілгерілеу мүмкіндігі. 6. ауыспалы мағына. Қадірлілік, қасиеттілік. Өтімділік коэффициенті. қаржы термині. Қарыз алушының қысқа мерзімді міндеттемелерді төлеу қабілетін көрсететін коэффициент.