ӨГЕЙ
сын есім. 1. Өзі тумаған (әке, шеше). 2. Асырап алған, өзінен тумаған (ұл, қыз). 3. ауыспалы мағына. Бөтен, жат, басқа. Өгей ана. Бұрынғы некеден туылған балаларға қатысты әкесінің зайыбы. Өгей анадай. Жатсынған, жылуы жоқ, қатігез. Өгей ата [ әке ]. Баланың тумаған атасы (әкесі), бұрынғы әкеден қалған балаға қатысты шешесінің күйеуі. Өгей бала [ ұл ]. Өзінен тумаған бала. Өгей ене бауырсақ. Бөтен, жат. Өгей жер. Жат жер, бөтен жер. Өгей көрмеді [ санамады, тұтпады ]. Жатсынбады, жатырқамады. Өгей қыз. Өзінен тумаған қыз. Өгей өмір. Жалған дүние. Өгей сезім. Бұрын болмаған, сезініп көрмеген жат сезім (жағымсыз). Өгей тағдыр. Жат тағдыр. Өгей шеше. Баланың өз шешесі емес, әкесі әйел етіп алған екінші шешесі.