МАРКШЕЙДЕРЛІК
сын есім. кенісі. Маркшейдерге тән, маркшейдерге қатысты. Маркшейдерлік есепке алу. кен ісі. Жер қойнауындағы пайдалы қазылымды қазып алу барысында оның өнеркәсіптік қорының өзгеруін, жоғалымы мен құнарсыздану жағдайларын есепке алу. Маркшейдерлік құжаттар. кен ісі. Жер бетіндегі және жерасты қазбаларындағы бұрыштық және сызық өлшеулердің нәтижелерін білдіретін журналдар, кітаптар, формулалар, сондай-ақ графикалық материалдар. Маркшейдерлік құралсаймандар мен аспаптар. кен ісі. Жерасты кен қазбаларында және жер үстінде маркшейдерлік түсіруді жүргізу үшін қажет құралсаймандар мен аспаптар. Маркшейдерлік қызмет. кен ісі. Пайдалы қазылымдар кен орындарын барлау, жобалау, кен қазу кәсіпорындарын жобалау, салу, пайдалану және белгілі уақытқа жұмысты тоқтату барысында маркшейдерлік қызмет мамандарының кен жұмыстарының дұрыс және қауіпсіз жүргізілуін қамтамасыз ету үшін атқаратын жұмыстар кешені. Маркшейдерлік түсірім. кен ісі. Кен иелігі шекарасындағы қазбалардың, имараттар мен табиғи нысандардың, пайдалы қазылымның жатыс нысандары мен жағдайларының кеңістіктегі орналасуын анықтау және кейін маркшейдерлік жоспарларда бейнелеу мақсатында кен қазбаларында және жер үстінде атқарылатын сызықтық және бұрыштық өлшеулердің жиынтығы. Маркшейдерлік іс. кен ісі. Негізінде кеңістікгеометриялық өлшеулермен (маркшейдерлік түсірулермен) айналысатын кен ғылымы мен техникасының саласы.