КҮКІРТ
зат есім. химиялық. Иіссіз, сарғыш түсті, тұтанғыш химиялық зат, элементтер периодтық жүйесінің алтыншы тобындағы химиялық элемент. Күкірт айналымы. химиялық. Табиғатта күкірттің үздіксіз айналу құбылысы. Күкірт ангидриді. химиялық. Күкірттің оттекпен қосылысы; түссіз, өткір иісті газ. Күкірт бактериялары. биологиялық. Күкірт қосылыстарын белсенді түрде тотықтыратын тион бактериялары. Күкірт кентастары. геологиялық. Құрамынан күкірт ажыратып алынатын минералдық шикізаттар. Күкірт қосылыстары. химиялық. Күкірт элементі түзетін химиялық қосылыстар. Күкірт қышқылы. химиялық. Екі негізді күшті қышқыл, май тәрізді, түссіз минералды ауыр сұйық зат есім. Күкірт рудалары. химиялық. Құрамында сап күкірт, түрлі металдардың күкіртті қосылыстары бар минералдық шикізаттар тобы.