КЛИМАТ
[ грек тілі. klіma ] зат есім. географиялық. Географиялық орнына байланысты белгілі бір аймаққа тән көпжылдық ауа райы режімі. Климат ауытқуы. географиялық. Жер шарындағы немесе белгілі бір аймақтағы климат жағдайының өзгеруі. Климатқа әсер. географиялық. Көмірқышқыл газының жиналуы, озонды қалқа тығыздығының өзгеруі, атмосфераның газдармен (метан, фреон) ластануы, энергияны тікелей шығару және тағы басқа. салдарынан Жер энергетикасының ғаламдық өзгеруі. Климаттың антропогендік өзгеруі. географиялық. Жергілікті климат пен микроклиматтың адамдардың шаруашылық әрекетінен өзгеріске ұшырауы. Климаттың, мұздықтардың кезеңдік тербелістері. географиялық. Климаттың, мұздықтардың, сушаралардың жаға сызықтарының ұзақтығы мен қарқындылық дәрежесі әртүрлі, яғни бірнеше немесе ондаған жылдардан бірнеше мыңжылдықтарға дейінгі ырғақты өзгерістері.