КЕНДЕНУ
Кенден етістігінің қимыл атауы. 1. Таужыныстарда кенді минералдардың ұшырасуы. 2. Таужыныстарда кенді минералдар пайда болатын процесс. Кендену бейімділігі. кен ісі. Кен құрамының нақтылы бағытта заңды түрде өзгеріп отыруы. Кенденуді бақылау. кен ісі. Кендердің процесін геологиялық (металлогендік) тұрғыдан қамтамасыз ететін факторлар жиынтығы. Кендену жиексәулесі. кен ісі. Кен орнының кен сыйыстырушы таужыныстарында, оның жабынындағы борпылдақ шөгінділерде, топырақта, жерасты мен жерүсті суларында, өсімдіктер мен жануарлар организмдерінде, атмосфера мен ауа тозаңдарында сол кен орнына тән химиялық элементтердің шамадан көп мөлшерде кездесуі. Кендену қарқындылығы. кен ісі. Өндірістік маңызы бар нысандардың шығу пайызы немесе кен көзінің орташа мөлшері.