ЖАНАЗА
[ араб тілі. ] зат есім. 1. діни. Мұсылмандардың қайтыс болған адамға оқитын намазы. 2. этнографиялық.діни. Қайтыс болған мұсылманға оқылатын намазбен байланысты өлген адамды соңғы сапарға аттандыру рәсімі, жерлеу. Жаназаға мал шығарды. этнографиялық. Қайтыс болған мұсылман адамға оқылатын намазбен байланысты жерлеу ғұрпын атқаруға қажетті шығын, малмүлік бөлді. Жаназаға шақырды. э т н. діни. Байырғы қазақ салты бойынша мұсылман адамды жерлеу алдында оған арнап оқылатын намаз рәсіміне қатысуға марқұмның алыс-жақын ағайынын, сыйласаралас, досжаранын арнайы шақырды. Жаназадан несібе тиді. діни. Қайтыс болған мұсылман адамға оқыған намазы үшін кәдепұл алды. Жаназа күйі. Еуропа немесе Батыс елдерінің бойынша марқұмды соңғы сапарға шығарып салғанда орындалатын қаралы марш, музыкалық шығарма. Жаназа намазы. діни. Мұсылман діні бойынша қайтыс болған адамға арнап оқитын намаздың атауы. Жаназа оқыды. діни. Қайтыс болған мұсылман адамға арнап марқұмды жерлеу ал дында намаз оқыды. Жаназа шығарды. діни. Мұсылман діні бойынша өліктің денесін жуып, кебінге орағаннан кейін марқұмға арнап намаз, Құран сүрелерін оқыды. Жаназа шығару. діни. Мұсылман діні бойынша марқұмға арнап жерлеу алдында намаз оқу.