1омоним: Мас палау. тамақ өнеркəсібі. Қазақстанның Оңтүстік өлкесінде маш аталатын бұршақ тұқымдас дәнді дақылдан дайындалатын палаудың түрі. Мас көже. тамақ өнеркəсібі. Бұршақ тұқымдас маш аталатын дәнді дақылдан дайындалатын көже. Мас палау, мас көже. этнографиялық. Ежелден оңтүстік өлкеде өсірілетін екі түрлі тағам әзірленген.
2омоним сын есім. 1. Спиртті ішімдіктерді көп ішудің салдарынан басы айналып, масайған, естен айырылған. 2. ауыспалы мағына. Құштар, ынтық. 3. ауыспалы мағына. Ақылсыз, парықсыз. 4. ауыспалы мағына. Елірген, есірген, дандайсыған. Мас болды. а) Қымыз, арақ, шарап т.б. ішіп, басы айналып, масайды. ә) Махаббат, құштарлық сезіміне бөленді, бойы балқыды, рахаттанды. б) Дандайсыды, елірді, желік пайда болды, есерлендi. Мас қылды [ етті ]. а) Ішімдік беріп, еліртті. ә) Ақылынан айырды, дандайсытты.