БЕЙРЕСМИ
[ ир. араб тілі. ] сын есім. 1. Мемлекеттік, лауазымдық ресми ережелерге, заңдарға сай емес, олардан тыс, тәуелсіз, еркін. 2. Беймемлекеттік, ресми түрде рұқсат етілмеген. Бейресми қатынас [ Қарым-қатынас ]. Адамдар арасындағы лауазымдық немесе қоғамдық ресми институтқа қатыссыз, еркін, жақын қатынас, араластық. Бейресми мәлімет. кіт. Ресми бұқаралық ақпарат құралдарында көрсетілмеген, ресми түрде мақұлданып бекімеген аппарат. Бейресми [ ресми емес ] оппонент. ғыл. Ресми емес оппоненттер санына шек қойылмайды. Бейресми топ. қоғ. әлеум. Заңдық тұр ғыдан мәртебесi жоқ, мүдделер, достық пен симпатиялар негізінде не прагматикалық пайдалылығы негізінде ықтиярлы түрде біріккен нақты әлеуметтік қауымдастық.