АТПА
зат есім. көнерген сөз. 1. Егінге су шығаратын ағаш шөміштен жасалған ең қарапайым құрал. 2. Жерден атқылайтын су көзi. Атпа атты. Атпамен егінге су шығарды. Атпа бұлақ. Атқылаған бұлақ. Атпа бұтақша. ботаникалық. Өсімдік тамырының топырақты жарып шыққан, әлi тарамдана қоймаған өркенi. Атпа құмжыланы. зоологиялық. Сұржыландар тұқымдасына жататын түр; басында ұшып баражатқан құстың кейпi тәріздi суретi бар, басы майда қырлы қабыршақтармен жабылған жылан.