ШЕТЕН
зат есім. 1. Суық пен қуаңшылыққа төзімді, биіктігі 15 метрге дейін жететін, қабығы қызыл қоңыр түсті ағаш. 2. Раушангүлділер тұқымдас ағаштар мен бұталар туысы; жидекті және сәндік дақыл. 3. Шетен ағашының сарғыш қызыл түсті домалақ жемісі. 4. Шетеннің жіңішке шыбықтарынан тоқылған тоқыма. Шетен қора. Талдан тоқылған шаруашылық құрылысы. Шетен құрық [ сойыл ]. Шетен ағашынан жасалған құрық, сойыл. Шетен тосабы. тамақ өнеркəсібі. Құрамында микроэлементтер, сондай-ақ дәрумендер, пектинді заттар мол болатын, емдік қасиеті бар тосап.