ШЕКЕ
зат есім. 1. Құлақ пен маңдай аралығындағы бас сүйектің бір бөлігі. 2. Белгілі бір заттың үстіңгі бір жақ бұрышы. 3. этнографиялық. Ауыл ақсақалдарына, сыйлы қонақтарға берілетін, наурыз мерекесінде асылатын тамақ өнеркəсібі. Шекеге шертілу. Ескерту алу, бет қайту. Шекеден шықты. Бұл жерде аса суық су туралы айтылып тұр. Шекесі зіркілдеді. Басы ауырды. Шекесі қызбады. Көңілі толмады, мәз таппады. Шекесі қызды. а) Бірдеңеге қол жетті, жетісті. ә) Егесуге, ерегесуге дайын тұрды. Шекесінен қарады. а) қақшиды, жатырқады. ә) Кекиді, кекжиді, паңсынды. Шекесінен отырды. Тізесін жерге тигізіп отырды. Шекесінен тыңдады. Жүре тыңдады, құлақ аспады. Шекесінен шертіп жүріп таңдады. Ең жақсысын қалады. Шекесіне тиді. Тауы шағылып, беті қайтты. Шекесіне шық етті. Салқындық басына (шекесіне) дейін өтіп кеткендей болды, басы (шекесі) ауырды, тыз етті. Шекесін қыздырды. Жарылқады, мандытты. Шекесін тесті. Зығырданын қайнатты, ашуына тиді. Шекесін шылқытты. Әлауқатын арттырды; мерейін өсірді. Шекесі шылқ етті. Жетісті, қарқ болды. Шекесі шылқылдады. Жарыды, жетісті, молшылыққа кенелді. Шеке тамыры солқылдады. Басы зеңіп ауырды.