ТІРІДЕЙ
үстеу. Өлтірмей тірі күйінде, тірі тұрғанда. Тірідей жеді [ жеп қойды ]. Қатты ұрысты; қатты ұрсып, ұялтты. Тірідей жерге кірді [ масқара болды, өлді ]. Қатты ұялды, өлердей ұялды. Тірідей жерледі [ көмді ]. Жержебіріне жетіп жәбірледі, әбден ұятқа қалдырды, масқара етті. Тірідей көрге тықты. Әбден өлімші етті, азапқа салды. Тірідей қорлық. Қараптан-қарап, ішпей-жемей, күнәсіз қиянат көру. Тірідей өлді. Көп алдында масқара болды, иті шықты. Тірідей салмағы. Сойылмай тұрғандағы салмағы. Тірідей тілу. биологиялық. Тәжірибе арқылы жануар организмінің қызметін зерттеу, аурудың себебін анықтау, түрлі заттардың әсерін білу, хирургиялық емдеу жолын анықтау үшін жасалатын оталау (операция) әдістемесі.