ТҰТЫНУШЫ
зат есім. Пайдаға асырушы, керегіне жаратушы. Тұтынушы интерфейсі. информатикалық. Бағдарлама мен оны қолданушы адам арасындағы диалогті ұйымдастыру құралдары. Тұтынушылар кооперативі. экономикалық. Азаматтардың мүшелік негіздегі ерікті бірлестігі. Тұтынушылар құқығын қорғау. экономикалық. Тұтынушылардың тиісті сападағы, өмірі мен денсаулығына қауіпсіз тауарларды (жұмыстарды, қызметтерді) сатып алу, тауарлар мен олардың дайындаушылары туралы ақпарат алу, өз мүдделерін мемлекеттік және қоғамдық тұрғыда қорғау. Тұтынушылар одағы. экономикалық. Халыққа қажетті тұрмыс бұйымдарын өтейтін ұйым. Тұтынушылар рыногы [ нарығы ]. экономикалық. Жекелеген адамдар мен үй қожалықтары тұтыну тауарлары мен қызметтерін сататын және сатып алатын нарық.