АҚЖОЛ
зат есім. 1. Ақиқатты, әділеттi ұстаған тура жол, дұрыс бағыт. 2. Игi дәстүр, бұрыннан жалғасып келе жатқан салт. // Қа дамы құтты, сәттi деген мағынада. Ақжол емi. этнографиялық. Қазақтың ескi салты бойынша ер жігітке тиген оқты денеден шығару үшін оның үстінен әйелдерін үш мәрте аттататын әдет [ Егер әйел күнәсіз (өзге еркекке көзi түспеген) болса, денедегi оқ керi шығады деген ұғым болған. Ешбір дәрісіз, құралсыз тек адалдығымен шипагер болғандықтан, әйелдердің бұл емін «ақжол емi» деп атаған ]. Ақжол тіледi. Жолың болсын, сапарың сәттi болсын деп тілек айтты.