ТАРИФТІК
сын есім. Тарифке байланысты, соған қатысты. Тарифтік жүйе. экономикалық. қызметкерлердің жалақысын олардың біліктілігіне, еңбек жағдайы мен қарқындылығына, еңбекке ақы төлеу нысанына қарай саралауда қолданылатын нормативтер жиынтығы. Тарифтік кедергі. экономикалық. Кеден салығының жоғары деңгейін қолдану арқылы елге әкелінетін тауарлар импортының кедергісін шектеу шарасы. Тарифтік коэффициент. экономикалық. Бірінші разрядтық тарифтік мөлшерлеме мен одан кейінгі разрядтық тарифтік мөлшерлеме арасындағы арасалмақты сипаттайтын бірыңғай тарифтік тордың элементі. Тарифтік мөлшерлеме. экономикалық. Жұмыс уақытының бір өлшемі (сағат, күн, ай) үшін есептелетін еңбекақы мөлшері. Тарифтік тоp. экономикалық. Еңбекке ақы төлеу мөлшерлемесінің, тарифтік коэффициенттердің жиынтығы.