ӨҢЕШ
1омоним зат есім. 1. Ас өтетін жұтқыншақтан кейінгі мүше. 2. анатомиялық. Жұтқыншақ пен асқазан арасындағы ас жүретін жол, етті түтік, жұтқыншақты қарынмен (асқазан) жалғастыратын, ас қорыту жүйесінің түтікше мүшесі. 3. ауыспалы мағына. Заттың үңгір қуысы. // Жалмауыз, қомағай. Өңеш қатерлі ісігі. медициналық. өңеш обыры, қылтамақ. Өңеш науасы. биологиялық. Күйісті жануарлардың көп бөлімді қарны жұмыршақ бөлімінің қабырғасында орналасқан, өңештің жалғасы. Өңеш рагы. медициналық. Өңеш қатерлі ісігі, қылтамақ. Өңешінен [ тамақ ] өтпеді. Жұта алмады, тамақтана алмады. Өңешінен өтіп кетті [ өтті ]. Ішіпжеп қойды, қажетке жаратты. Өңешін жыртты. Бақырды, айғайлады, даусы қатты шықты. Өңешін жібітті. Сұйық тамақ, арақ, ішімдік т.б. ішті. Өңешін қызартты. Өзеуреді, дауыс көтерді, құр айқайға басты. Өңешін созды. Құр айғайға басып өзеуреді, даурықты. Өңешін шығарған шақ. Бураның жараған уағындағы сыртқы белгісі.