МЕН
1омоним Есім. 1. Бірінші жақты білдіруші, өзін-өзі көрсетуші жіктеу есімдігі. 2. философиялық. Адамның шығармашылық қабілетін тереңнен қозғап, мәнін айқындайтын философиялық категория. 3. ауыспалы мағына. Паңдық, тәкаппарлық. Мен деген. Ең керемет, ең мықты. Мен қалайға салынбады. Мақтануға бой ұрмады, дандайсымады. Мен мұндалап[ мұндалап тұр ]. Анадайдан оқшауланып, ерекше көрінді. «Мен» тұжырымдамасы. философиялық. Адамның өзі жайлы біршама тұрақты, аздыкөпті мәні бар түсініктерінің жүйесі. Мен үшін жоқсың. Біреуден көңілі қалғанда, біреуді саналы түрде ұмытайын дегенде, қатты ренжігенде айтылатын сөз. Менің де қолыма қарға тышар. кекесін. Маған да бірдеме түсер, жақсылық болар, сенің де маған күнің түсер. Менің үшін. сөйлеу. Мен үшін, маған салсаң.