ӘДЕПТІ
сын есім. 1. Қоғамда тұрақталып қалыптасқан әдеп ережелерi мен нормаларын берік ұстанатын, әдеп сақтайтын. 2. Қимылы жинақы, қозғалысы жарасымды, сыпайы тұрпатты. 3. Тәрбиелi, тәлімдi, көргендi. 4. Ізеттi, ибалы, инабатты. 5. Биязы, сыпайы, орынды, келістi (сөз). 6. ауыспалы мағына. Жайлы, қолға әбден үйретілген, адамның ебін табатын (мал туралы). Әдептi ауыз. бейнелі сөзқолданыс. Ахлақ нормаларын, әдеп ережелерін сақтайтын, соны дәріптейтін адам. Әдептi әзіл. Сыпайы, шектен шықпайтын, әдеп ережелерін сақтап айтылған қалжың сөз. Әдептi болды. Әдептілік көрсеттi, әдептілік танытты. Әдептi сөз. Сыпайы, биязы, жағымды, жақсы сөз.