1омоним зат есім. 1. Тазының, иттің ең жүйрік, шалымды түрі. 2. Жүйрік ат. Құмай ала [ ат, торы ]. Мініске төзімді, жүйрік ат. Құмай иттей. а) Жүйрік, алғыр тазы, ит сияқты. ә) Аңкөс, жабайыланып кеткен ит тәрізді. Құмай көз. Құмайдың көзі сияқты әдемі көз. Құмай көңіл. поэтикалық. Жүйрік көңіл, ұшқыр қиял деген мағынада. Құмай тазы. Тазының ең жүйрік, алғыр түрі.
2омоним зат есім. зоологиялық. < латын тілі. Gypshіmаlауensіs> 1. Биік, таулы жерлерді мекендейтін ірі жыртқыш құс. 2. Басы мен мойны үлпілдек, сирек мамықты, құйрығының үстіңгі жағы аппақ, бауыры ақшылдау, қанатының асты ақ, жемсау үстіндегі дағы реңсіз, көзі қоңыр, аяқтары сұп-сұр, тырнақтары қара болып келетін, өлекселермен қоректенетін құс.
3омоним зат есім. өсімдік. Тары тәріздес көпжылдық арамшөп. Құмай қурай. өсімдік. Төрт түлік түгел жейтін, қадау өсетін, тегінде сырт беті ошағанға ұқсап кететін өсімдік.